🔔 శివోహం 🔔
కాశీ క్షేత్రంలో, ఇష్టమైనది, వదిలి పెట్టాలి అని అంటారు కదా, అసలు ఎందుకు వదిలి పెట్టాలి, ఏది వదిలి పెట్టాలి?
కాశీ క్షేత్రంలో “ఇష్టమైనది వదిలిపెట్టాలి” అని చెప్పడానికి ఆధ్యాత్మిక, తాత్త్విక దృక్పథం ఉంది.
1. వైరాగ్య సాధన: కాశీని “మోక్షపురి”గా భావిస్తారు. ఇక్కడికి వచ్చే వారు భౌతిక బంధనాల నుంచి విముక్తి పొందేందుకు వస్తారు. ఇష్టమైన వాటిని విడిచిపెట్టడం ద్వారా మనస్సు మోహం, రాగద్వేషాలు తగ్గి, విరక్తి పెరుగుతుంది.
2. అహంకార వినాశనం: మనకు ఇష్టమైన ద్రవ్యాలు, సంబంధాలు, ఆనందాలు మన అహంకారానికి ఆధారంగా ఉంటాయి. వీటిని వదిలి పెట్టడం ద్వారా అహంకారం కరిగిపోవడం సులభమవుతుంది.
3. మరణం సంస్కారం: కాశీలో మరణించడం మోక్షానికి దారి తీస్తుందనే నమ్మకం ఉంది. ఈ సమయంలో అన్ని సంబంధాలను విడిచిపెట్టడం ముఖ్యం.
4. మోక్ష మార్గం: ఇష్టబంధాలు విడిచిపెట్టి, పరబ్రహ్మలో లీనమవ్వడం కాశీ యాత్ర ప్రధాన ఉద్దేశం.
ఏది వదిలిపెట్టాలి?
• మనసులోని రాగద్వేషాలు
• సంపద పట్ల మమకారం
• శరీర పట్ల ఆస్తిత్వం
• అహంకార భావన
• కామ, క్రోధ, లోభ, మోహ, మద, మాత్సర్యాలు
• భౌతిక ఆనందాలు.
ఈ విలువలు వదిలి పెట్టినపుడే నిజమైన మోక్ష మార్గం సులభమవుతుంది అని కాశీ క్షేత్రం హితవు ఇస్తుంది.
ఓం నమః శివాయ గురవే నమః.
https://youtu.be/RMgJYI33nYU?si=rcjgHwtphVfW23oR
ఈ బ్లాగు వివిధ సందర్భాల్లో నా స్పందనకు అక్షర రూపం. జీవితంలో నేను తెలుసుకున్న సత్యాలకు ప్రతిరూపం.
21, మే 2025, బుధవారం
కాశీ క్షేత్రంలో ఇష్టమైనది వదిలిపెట్టాలి! - కారణం
19, మే 2025, సోమవారం
వక్త
మాటాడేందుకు సిగ్గు ఎందుకు?
నీలో నిన్ను దాచేవెందుకు?
ఒక్కసారి పెదవి విప్పు చూడు?
నిన్ను ఆపేందుకు రారెవ్వరు!
భయం వీడి బయట పడి చూడు!
నిన్ను వినేందుకు ఉన్నరెందరో!
-శివ భరద్వాజ్
16, మే 2025, శుక్రవారం
*ప్రజల మన్నన పొందేదెందరు!*
విసిరే మెతుకుల ఆశల బతుకులు,
నిండీ నిండక కాలే కడుపులు.
విరిసీ విరియక రాలే నవ్వులు,
ఎదిగీ ఎదగక ఒరిగే కలలు.
చేసి చేయక చేసే సాయము,
లంచపు రక్కసి అక్కున చేరు.
అందీ అందక అందే ఆసరా,
చాలీ చాలని దీపపు వెలుగు.
వెలుగులు పంచే చదువులు ఏవి?
న్యాయము చేసే చట్టములేవి?
రాజ్యము చేసే స్వాములు ఎవ్వరు?
దోపిడి దొంగల వారసులందరు.
కాసులు ఉంటే దాసోహం,
కులములు అంటే వ్యామోహం,
నైతిక వర్తన నేతి బీరరా,
నాయక వర్తన అధికారమురా.
ఓడిన , గెలిచిన, గెలిచిన పార్టీ,
మాదేనంటూ, గోడలు దూకే
గండు పిల్లులే నాయకులందరు.
ప్రజల మన్నన పొందేదెందరు!
-శివ భరద్వాజ్
12, మే 2025, సోమవారం
తప్పక చెబుతున్నా
కొన్ని బంధాలు ఉండేది కొంతకాలమే,
అయినా జీవితకాల జ్ఞాపకాలు మిగిల్చి వెళ్లిపోతాయి,
కలిసి బతికేది కొంతకాలమే,
అయినా బతుకంతా సరిపడా అనుభూతులు మిగిలిపోతాయి.
-శివ భరద్వాజ్
మరలిరాని లోకానికి వెళ్ళావు,
మరలి రావన్నది చేదు నిజం,
అయినా తప్పనిసరి వీడ్కోలు తప్పదన్నది కాలం.
తప్పక చెబుతున్నా ఈ శివుని వీడి,
ఆ శివుని సన్నిధి చేరమని.
-శివ భరద్వాజ్
11, మే 2025, ఆదివారం
*మురళీ నాయకా నీకిదే వందనం.*
అగ్నివీరుడవై జ్వలించావు.
రక్త సింధూరమై నిలిచావు.
యువతకో స్ఫూర్తి నిచ్చావు,
దేశరక్షణ పథం చూపించావు.
ఇకనైనా కళ్ళు తెరవాలి జనం,
సంఘటితమై, మెలగాలిక మనం,
మూగబోయింది మురళీగానం,
వ్యర్ధంకాకూడదు ఆ బలిదానం.
భరతమాత సేవలో నీ జన్మధన్యం,
ఆమె నుదుట సింధూరమై,
భాసిల్లిన నీ పవిత్ర జన్మ ధన్యం.
మురళీ నాయకా నీకిదే వందనం.
- శివ భరద్వాజ్
వందే భారత మాతరం
అమ్మఒడి మొదటి బడిగా,
సమస్త ప్రకృతిలో తల్లిని దర్శించి,
తరించే సనాతన ధర్మ వారసులం,
తల్లి భరతమాత ప్రియపుత్రులం.
-శివ భరద్వాజ్
3, మే 2025, శనివారం
విజయ కమల వికాసం
మనుసులో ఆశల అలలు ఎగిసిపడుతుంటే,
ఊహలు కొండదాటిపోతున్నాయి.
మదిలో కోరికలు సుడులు తిరుగుతుంటే,
కళ్ళు ఓటమి భయంతో బెదురుతున్నాయి.
చేయగలనన్న ధీమా చేతులు వ్యక్తం చేస్తుంటే,
గెలవలేనన్న భయంతో కాళ్ళు తడబడుతున్నాయి.
నిరాశ చీకట్లు నిను ముసురుతున్న వేళ,
విజయం దోబూచులాటాడుతుంది.
విడువక నువ్వు ప్రయత్నిస్తే, నిలిస్తే,
సహనంతో ముందడుగేస్తే, తపిస్తే,
మనోధైర్యమనే చందురుడు వెలుగు పంచుతాడు.
ఆత్మస్థైర్యమనే సూరీడు నిరాశ చీకటి మింగివేస్తాడు.
విజయ కమలమపుడు నీ ముంగిట వికసిస్తుంది.
-శివ భరద్వాజ్
1, మే 2025, గురువారం
హృదయపు కొండలలో ప్రతిజ్ఞ మారుమోగుతోంది
29, ఏప్రిల్ 2025, మంగళవారం
ఏకో దేవః - భగవంతుడొక్కడే
ఓ భగవంతుడా!
ఆదిశంకర పరంపరాగతమైన పీఠ జగద్గురువుల యందు ఎటువంటి ద్వేషము లేకుండా గౌరవించే
సద్బుద్ధిని మాకు ప్రసాదించు.
త్రిమతస్థులు ( స్మార్త, వైష్ణవ, మాధ్వ ) ఎవరి సంప్రదాయాన్ని వారు శ్రద్ధతో ఆచరిస్తూ ఇతరులను ద్వేషించకుండా పరస్పరము గౌరవము కలిగే సద్బుద్ధిని మాకు ప్రసాదించు.
ప్రపంచంలో ఉన్న అన్ని మతాలను అనుసరించేవారు వారి వారి ధర్మాలను ఆచరిస్తూ హింసను విడనాడి పరస్పర గౌరవంతో ఉండే సద్బుద్ధిని ప్రసాదించు.
"ఏకో దేవః సర్వభూతేషు గూడః
సర్వ వ్యాపీ సర్వభూతాంతరాత్మా"
శ్వేతాశ్వతర ఉపనిషత్
అయం నిజః పరోవేతి గణనా లఘు చేతసామ్ l
ఉదార చరితానాంతు వసుధైవ కుటుంబకమ్ ll
స్మృతి వాక్యమ్
సనాతన ధర్మాభిలాషీ 🙏🙏🙏
భారతీయ మహిళ ఔన్నత్యం
నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼 మనం తరచుగా తెలివి...
-
మాటలు చెప్పుటేగాని మరి నిజముగ చేయ రాదు అడిగిన తరుణమున మురియ, ఆదుకొనగ చేత గాదు సాయము చేయు వారి మనసా! నువు వెన్నవా? కాదు మాయెడల దయ చూపు ...
-
డబ్బు జబ్బు చేసిన మనిషికి గౌరవం మబ్బు చాటుకి వెళ్లిన తెలియటం లేదు తెలిసినా పట్టించుకోవడం లేదు నిబ్బు మందుతో జోగుతూ, కులం కైపుతో తూలుతున్నా ...
-
స్పందించేందుకు సమయం లేదు వివరించేందుకు విషయం లేదు వినేటందుకు ఓపిక లేదు తెలుసుకునేంత తీరిక లేదు మన బ్రతుకేదో బ్రతికేస్తున్నాం మన చావేదో చస్త...
