జీవితం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
జీవితం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

10, మార్చి 2022, గురువారం

ఉనికి - మనిషి జీవితం

 ఉనికి - మనిషి జీవితం


బాల్యంలో తీయటి నీటి ఊటలా
మొదలై కౌమారంలో సెలయేటిలా
ఉరకలెత్తి అందరినీ  మురిపించి
యవ్వనంలో ఉప్పొంగు ఉత్సాహ జలపాతమై
ఉరకలెత్తి ఉధృత నదిలా మారి
జీవిత అనుభవాలచే నడివయసున
మందగమనమై తన చుట్టూ ఉన్న అవనిని
సస్యశ్యామలం చేసి సుజలాన్ని పంచి
అందరి దాహర్తి తీర్చి సుందర డెల్టాలను
సృష్టించి, జీవితాలను సమృద్ధి చేసి
వృద్ధ దశలో తనను ప్రక్కనపెట్టినారని
కన్నీటి ఉప్పదనం నిండ ఎంత గొప్ప నదియైన
మృత్యు సముద్రంలో కలువక తప్పదు
తన ఉనికిని కోల్పోక తప్పదు

--శివ భరద్వాజ్
భాగ్యనగరం

9, మార్చి 2022, బుధవారం

అందంగా కనపడుతుందని అడుగేయబోతే అగాధ పాతాళానికి జారిపోతావు

అందంగా కనపడుతుందని అడుగేయబోతే

అగాధ పాతాళానికి జారిపోతావు

మధురంగా ఉందని మరింత లాగిస్తే

మధురానికి దూరం అవుతావు

చేదెక్కువని కాకర పక్కన పెడితే

ఆనక డాక్టరు గొట్టాలు చేసి పోస్తాడు

మత్తు గమ్మత్తుగ ఉందని అనుభవిస్తుంటే

కిక్కు వస్తుందేమోకాని మధురమైన జీవితం మరుగై పోతుంది

తొక్కితే సర్రున పోతుందని కారు నడిపితే

సాఫీగా సాగాల్సిన జీవితాలు తెర మరుగైపోతాయి.

 --శివ భరద్వాజ్
భాగ్యనగరం

 

భారతీయ మహిళ ఔన్నత్యం

 నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼  మనం తరచుగా తెలివి...