16, మే 2025, శుక్రవారం

*ప్రజల మన్నన పొందేదెందరు!*

*ప్రజల మన్నన పొందేదెందరు!*

విసిరే మెతుకుల ఆశల బతుకులు,
నిండీ నిండక కాలే కడుపులు.
విరిసీ విరియక రాలే నవ్వులు,
ఎదిగీ ఎదగక ఒరిగే కలలు.

చేసి చేయక చేసే సాయము,
లంచపు రక్కసి అక్కున చేరు.
అందీ అందక అందే ఆసరా,
చాలీ చాలని దీపపు వెలుగు.

వెలుగులు పంచే చదువులు ఏవి?
న్యాయము చేసే చట్టములేవి?
రాజ్యము చేసే స్వాములు ఎవ్వరు?
దోపిడి దొంగల వారసులందరు.

కాసులు ఉంటే దాసోహం,
కులములు అంటే వ్యామోహం,
నైతిక వర్తన నేతి బీరరా,
నాయక వర్తన అధికారమురా.
ఓడిన , గెలిచిన, గెలిచిన పార్టీ,
మాదేనంటూ, గోడలు దూకే
గండు పిల్లులే నాయకులందరు.
ప్రజల మన్నన పొందేదెందరు!

-శివ భరద్వాజ్

12, మే 2025, సోమవారం

తప్పక చెబుతున్నా

 కొన్ని బంధాలు ఉండేది కొంతకాలమే,
అయినా జీవితకాల జ్ఞాపకాలు మిగిల్చి వెళ్లిపోతాయి,
కలిసి బతికేది కొంతకాలమే,
అయినా బతుకంతా సరిపడా అనుభూతులు మిగిలిపోతాయి.

-శివ భరద్వాజ్

 

మరలిరాని లోకానికి వెళ్ళావు,
మరలి రావన్నది చేదు నిజం,
అయినా తప్పనిసరి వీడ్కోలు తప్పదన్నది కాలం.
తప్పక చెబుతున్నా ఈ శివుని వీడి,
ఆ శివుని సన్నిధి చేరమని.

-శివ భరద్వాజ్

11, మే 2025, ఆదివారం

*మురళీ నాయకా నీకిదే వందనం.*

అగ్నివీరుడవై జ్వలించావు.
రక్త సింధూరమై నిలిచావు.
యువతకో స్ఫూర్తి నిచ్చావు,
దేశరక్షణ పథం చూపించావు.

ఇకనైనా కళ్ళు తెరవాలి జనం,
సంఘటితమై, మెలగాలిక మనం,
మూగబోయింది మురళీగానం,
వ్యర్ధంకాకూడదు ఆ బలిదానం.

భరతమాత సేవలో నీ జన్మధన్యం,
ఆమె నుదుట సింధూరమై,
భాసిల్లిన నీ పవిత్ర జన్మ ధన్యం.
మురళీ నాయకా నీకిదే వందనం.

- శివ భరద్వాజ్

వందే భారత మాతరం

 



అమ్మని మొదటి గురువుగా,
అమ్మఒడి మొదటి  బడిగా,
365 రోజులు తల్లిని పూజించి,
సమస్త ప్రకృతిలో తల్లిని దర్శించి,
తరించే సనాతన ధర్మ వారసులం,
తల్లి భరతమాత ప్రియపుత్రులం.

-శివ భరద్వాజ్

3, మే 2025, శనివారం

విజయ కమల వికాసం

మనుసులో ఆశల అలలు ఎగిసిపడుతుంటే,
ఊహలు కొండదాటిపోతున్నాయి.
మదిలో కోరికలు సుడులు తిరుగుతుంటే,
కళ్ళు ఓటమి భయంతో బెదురుతున్నాయి.
చేయగలనన్న ధీమా చేతులు వ్యక్తం చేస్తుంటే,
గెలవలేనన్న భయంతో కాళ్ళు తడబడుతున్నాయి.


నిరాశ చీకట్లు నిను ముసురుతున్న వేళ,
విజయం దోబూచులాటాడుతుంది.
విడువక నువ్వు ప్రయత్నిస్తే, నిలిస్తే,
సహనంతో ముందడుగేస్తే, తపిస్తే,
మనోధైర్యమనే చందురుడు వెలుగు పంచుతాడు.
ఆత్మస్థైర్యమనే సూరీడు నిరాశ చీకటి మింగివేస్తాడు.
విజయ కమలమపుడు నీ ముంగిట వికసిస్తుంది.

-శివ భరద్వాజ్ 



1, మే 2025, గురువారం

హృదయపు కొండలలో ప్రతిజ్ఞ మారుమోగుతోంది

 
ఒక్క క్షణం,
మనసులో ఒక ఆలోచన,
విద్రోహం జన్మించి,
వికృతంగా నవ్వింది.

మరుక్షణం, ఆ ఆలోచన,
మలుపు తిరిగి,
ఆకులలో, చీకటిలో,
ఇరుకైన కనుమలలో, లోయలలో,
పర్వత శిఖరాలలో పయనించి,
పహల్గామ్ పచ్చికబయళ్ళలో,
తేలి వికటాట్టహాసం చేసింది.

ఒక్క క్షణంలో,
నవ్వుతో నిండిన ముఖములు,
రంగులు వెలసిన పువ్వులవలె,
విషణ్ణ వదనములై,
ముష్కరుల విధ్వంసపు గుర్తులై,
నేల రాలిపోయాయి.

ఒక క్షణంలో,
బంధం తెగిపడి వేరుపడి,
వేదన కమ్మివేసింది.

ఒక్క క్షణంలో,
మొత్తం ప్రపంచం! మారిపోయింది.
తూటా గుళ్ల శబ్దంలో,
నవ్వులు వేగంతో వెనక్కి వెళ్లిపోయాయి.
రోదనతో అలసిన
గుండెలలో... ఇప్పుడు నిశ్శబ్దం.

కళ్లు, కన్నీటి తెరల వెనుక,
ఆనందం ఆవిరై,
ఆశతో, నిజం అబద్ధమై,
మరలా లేచొస్తావా నేస్తం,
అని ఎదురుచూస్తున్నాయి.

ఈ క్షణంలో,
దాయాదితో దశాబ్దాల వైరం,
అంతంచేయాలన్న ప్రతిన,
భారతీయుల మనోరథంలో,
వేగంగా దూసుకుపోతోంది.
హృదయపు కొండలలో,
ఆ ప్రతిజ్ఞ మారుమోగుతోంది.

-శివ భరద్వాజ్

29, ఏప్రిల్ 2025, మంగళవారం

ఏకో దేవః - భగవంతుడొక్కడే

 ఓ భగవంతుడా!
ఆదిశంకర పరంపరాగతమైన పీఠ జగద్గురువుల యందు ఎటువంటి ద్వేషము లేకుండా గౌరవించే
సద్బుద్ధిని మాకు ప్రసాదించు.

త్రిమతస్థులు ( స్మార్త, వైష్ణవ, మాధ్వ ) ఎవరి సంప్రదాయాన్ని వారు శ్రద్ధతో ఆచరిస్తూ ఇతరులను ద్వేషించకుండా పరస్పరము గౌరవము కలిగే  సద్బుద్ధిని మాకు ప్రసాదించు.

ప్రపంచంలో ఉన్న అన్ని మతాలను అనుసరించేవారు వారి వారి ధర్మాలను ఆచరిస్తూ హింసను విడనాడి  పరస్పర గౌరవంతో ఉండే సద్బుద్ధిని ప్రసాదించు.

 "ఏకో దేవః సర్వభూతేషు గూడః
 సర్వ వ్యాపీ సర్వభూతాంతరాత్మా"
     శ్వేతాశ్వతర ఉపనిషత్  

 అయం నిజః పరోవేతి గణనా లఘు చేతసామ్ l
 ఉదార చరితానాంతు వసుధైవ కుటుంబకమ్ ll
   స్మృతి వాక్యమ్

 సనాతన ధర్మాభిలాషీ 🙏🙏🙏

28, ఏప్రిల్ 2025, సోమవారం

భరత జాతి ప్రతిన బూనింది.

కాళ్ళ పారాణి ఆరని సోదరి,
నుదిటి కుంకుమ చెదిరింది.
ప్రకృతి అందాలకు మైమరచి,
సేదతీరుతున్న గుండె ఆగింది.
సంద్రమున అలసి నేలకు వచ్చిన,
నావికుని ప్రాణం నింగి కెగసింది.
నింగిన ఎగిరి, నేల విహరించ దిగిన
వాయుసైనికుని జీవం గాలిలో కలిసింది.
జీవిత చరమాంకన ప్రకృతి ఒడిన,
ప్రశాంతత వెదికిన కన్ను మూత బడింది.
కుంకుమ పువ్వు పండే భువిన,
నెత్తుటి కుంకుమ కళ్ళాపి జల్లింది.
ఉగ్రవాద మతమౌఢ్య పిశాచి,
విచక్షణ లేక  కరాళ నృత్యం చేసింది.

అన్ని గీతలు దాటిన దాయాదిని
ఉపేక్షింపబోమని, నేలకొరిగిన సహోదరుల
సాక్షిగా, భరత జాతి ప్రతిన బూనింది.

-శివ భరద్వాజ్

25, ఏప్రిల్ 2025, శుక్రవారం

రోగ లక్షణాలకు వైద్యం చేస్తే రోగం నయం కాదు.

రోగ కారణానికి కాకుండా ,

రోగ లక్షణాలకు వైద్యం చేస్తే రోగం నయం కాదు.

- శివ భరద్వాజ్ 


మనం శారీరకంగా కాదు, మానసికంగా లేదా ఆత్మీయంగా ఎదుర్కొనే సమస్యలకూ అదే వర్తిస్తుంది.

ఈ వాక్యం ప్రధానంగా చెప్పే విషయమేమిటంటే —
లక్షణాలను తాత్కాలికంగా అదుపు చేయడమే కాకుండా, ఆ లక్షణాలకు మూలంగా ఉన్న కారణాన్ని గుర్తించి, దాన్ని మూలం నుండి చికిత్స చేయాలి. లేదంటే అది తిరిగి వస్తూనే ఉంటుంది.

ఇది వైద్యంలోనే కాక, జీవన శైలిలో, సమస్యల పరిష్కారంలో, అంతర్గత వ్యక్తిత్వ వికాసంలో కూడా వర్తిస్తుంది.



భారతీయ మహిళ ఔన్నత్యం

 నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼  మనం తరచుగా తెలివి...