5, జూన్ 2022, ఆదివారం

తెలుసుకో మానవుడా - పర్యావరణం ప్రకృతి వరం

ప్రపంచ పర్యావరణ దినోత్సవం సందర్భంగా 

తెలుసుకో మానవుడా - పర్యావరణం ప్రకృతి వరం 

పర్యావరణం ప్రకృతి వరం
తెలిసినా చేస్తున్నాం నాశనం
అలసత్వం ప్రధాన కారణం
నేనొక్కడిని మారితే మారుతుందా
అని ప్రతి ఒక్కరు తలో చేయేసి చేస్తున్నారీ దారుణం
కొండలు కరగనిదే ఇల్లు కట్టలేం
కాండాలు కోయనిదే పేపర్ చదవలేం
కారులు లేనిదే షికారు చేయలేం
ఏసీలు లేనిదే ఇంట ఉండలేం
ఇవి పర్యావరణానికి చేసే హాని ఊహించలేం
పెరుగుతున్న జనాభాకి అనుగుణంగా స్థలం పెరగదు
మన ఆవాసం కోసం, అటవీ సంపద కోసం
అడవుల నాశనం చేసి పుడమి తల్లి
ఊపిరితిత్తులు చిదిమేస్తున్నాం
ఆ ఊపిరి ఆగితే మన ఊపిరి
ఆగుతుందని తెలియకుంటున్నాం
అవసరం లేనిదే భూముల స్థలాలు చేసి
విక్రయం చేసి ఫలించే భూమిని గొడ్రాలు చేస్తున్నాం
తెలుసుకో మానవుడా నీ స్వార్ధం కోసం
సర్వ జీవుల ఆవాసాన్ని బలిచేస్తున్నావు
ఆ జీవులలో నీవు ఒకడని తెలుసుకో

----శివ భరద్వాజ్
భాగ్యనగరం


చిన్న స్పందనైనా తెలపకుందామా

ప్రాణములు తీయుచున్నా
మానములు పోవుచున్నా
రణములు పెరుగుతున్నా
కారణములు తెలిసున్నా
మిన్నకుండి పోదామా
కన్నులుండి కనకుందామా
తన్నుచున్నా కదలకుందామా
చిన్న స్పందనైనా తెలపకుందామా
--శివ భరద్వాజ్
భాగ్యనగరం
 


3, జూన్ 2022, శుక్రవారం

నిజాలు వెలికి తీసి బయట పెడదామా?

ప్రాణాలు పోతున్నా,
కొట్లాటలు పెరుగుతున్నా,
అసత్యాలు ప్రచారం చేస్తున్నా,
పట్టించుకోక ఎవడి అభిప్రాయం వాడిదని ఊరకుండి పోదామా!
స్పందించడం మొదలెడదామా?
నిజమే అనిపించే మాటల గారడి మాయలో పడి పోదామా!
నిజాలు వెలికి తీసి బయట పెడదామా?
నిర్ణయించు మిత్రమా!
ముందడుగు వేయాల్సిన తరుణమిది.
గోముఖ వ్యాఘ్రాల ముసుగు తొలగించాల్సిన సమయమిది.
--శివ భరద్వాజ్
భాగ్య నగరం

1, జూన్ 2022, బుధవారం

ఆందోళన తొలగాలనుకుంటే

ఆందోళన తొలగాలనుకుంటే
ఆందోళన ఏం చేయగలదో
ఆందోళన ఏం చేయగలేదో
ఆందోళన మూల మేమిటో తెలుసుకో
చివరి నిమిష హడావిడి మానుకో
వృత్తిగత, వ్యక్తిగత జీవిత సంతులనం చేసుకో

ఆందోళనలో ఏ తీర్పులు ఇవ్వకు
ప్రతికూల ఆలోచనలు రానివ్వకు
చేయవలసిన పనులన్ని రాసుకో
నీకు తెలిసిన పరిష్కారాలు ఎంచుకో
నీ హితముగోరువారి సలహాలు తీసుకో
ఎప్పుడు నువ్వు ఒంటరివి కావని గుర్తించుకొ
ఒకసారి ఒకే పని చేయగలవని తెలుసుకో

ఆగి ఆగి గాఢమైన ఊపిరి తీసుకో
చిన్న చిన్న విరామాలు
చిన్న చిన్న సరదాలు
నచ్చిన పని చేయడాలు
ఆందోళన తగ్గించును తెలుసుకో

నిజమైన స్నేహితులను పెంచుకో
బలమైన సంబంధాలు నిలుపుకో
నీ గురించి జాగ్రత్తలు తీసుకో
నీకంటూ సమయం కేటాయించుకో

-- శివ భరద్వాజ్
భాగ్యనగరం

31, మే 2022, మంగళవారం

నీ కులము నిలవాలన్న - నీ మతము గెలవాలన్న

నీ కులము నిలవాలన్న
నీ మతము గెలవాలన్న
నీకు స్వాతంత్య్రం ఉండాలన్న
నీ దేశం నీ వారి ఏలుబడిలో ఉండాలి కదన్న
నీ వాదన అపుడే కదా ఎవడైనా వినేది నెగ్గేది
నీ దేశం పరాయి పాలనలో ఉన్నపుడు
నీ స్వాతంత్ర్యం పోయినపుడు
నీ పరమావధి స్వాతంత్ర్యం అవుతుంది
నిన్ను సాటివాని నుండి వేరుచేసే కులము నీకెందుకు
నిన్ను సాటివాని నుండి దూరం చేసే మతము నీకెందుకు
కావాల్సింది సమగ్ర భారత అభివృద్ధి
నిలవాల్సింది భారతీయుల ఐకమత్యం
మనం చేయి చేయి కలిపితే కులముండదు
మనం పధం పధం కలిపితే ఎదురుండదు
కావాలి దేశమే నీ తొలి మంత్రము
కావాలి దేశమే నీ తొలి ఆత్రము
-శివ భరద్వాజ్
భాగ్య నగరం

30, మే 2022, సోమవారం

మానవులంతా సమానమని చాటాలి

కులపాముల కోర పెరికి
మత పాములపట్టి మట్టుపెట్టి
మురిపముల మూటకట్టి  
మూడు రంగుల జెండా
ముచ్చటగా నెగరాలి
మానవులంతా సమానమని చాటాలి
మంచిని మనము పెంచాలి
మమతను మనము పంచాలి
పక్షపాతమును వీడాలి
ప్రతిభకు పట్టం కట్టాలి
డబ్బులేక చదువు నాగక
ప్రతిభ యుండి ముందుకు సాగక
ప్రయాస పడకూడదు
విద్య వ్యాపారమగాలి
వైద్య మందరికందాలి
వృద్ధుల గౌరవం పెరగాలి
పెద్దల మాటలు వినాలి
పరిశీలన మనం చేయాలి
మంచితో ముందుకు సాగాలి
ఉచిత పంపకం ఆగాలి
సముచిత పని దొరకాలి.

----శివ భరద్వాజ్
భాగ్యనగరం

28, మే 2022, శనివారం

మానవ ధర్మ చంద్రుడిచ్చు చల్లని వెన్నెల మనకు

అజ్ఞానాంధకారంబు తిరుగు చిమ్మెట
దీపపు వెలుగు  శాశ్వతంబని అకటా!
దీపము చేరి దగ్ధంబగు
కుల మత నాయకుల గారడి మాటలు నమ్మి
వెలుగునిండు తమ జీవితంబులని తలిచి
వారి చేరి దగ్ధంబు కాకు
సత్యంబిది స్వధర్మ సూర్యుడు రక్ష మనకు
మానవ ధర్మ చంద్రుడిచ్చు చల్లని వెన్నెల మనకు
-- శివ భరద్వాజ్
భాగ్య నగరం

అకటా - అయ్యో

22, మే 2022, ఆదివారం

మళ్ళీ బాలలమైతే చాలు - మనందరి భవిత బంగారమే

మళ్ళీ బాలలమైతే చాలు - మనందరి భవిత బంగారమే


ఏ భాద్యత లేనిది ఏ బరువు మోయనిది
ఏ కల్మషం లేనిది ఏ మరక అంటనిది
కల్లాకపటం ఎరగనిది
చల్లమనసు కలిగినది
మతమౌమౌఢ్యము అంటనిది
కుల జాఢ్యము తెలియనిది
ఏ మరక అంటని తెల్లని వస్త్రమది
ఏ రాత రాయని తెల్ల కాగితమది
స్వచ్ఛంగా ఉంటుంది
స్వచ్ఛంగా నవ్వుతుంది
నవ్వుతూ పలకరిస్తుంది
సంతోషంతో చరిస్తుంది
సాటివానికి సాయం చేస్తుంది
అందరినీ సమదృష్టితో చూస్తుంది
పెద్దల్ని చూసి అనుకరిస్తుంది
పెద్దల్ని చూసి ఆచరిస్తుంది
పెద్దల్ని చూసి చరిస్తుంది
నిశితంగా గమనిస్తుంది
బాల్యం రేపటి భవిత
బాల్యం రేపటి తలరాత
ఆ భవిత బావుండాలన్న
ఆ తలరాత మారాలన్న
మనం గొప్పవాళ్ళం కానవసరం లేదు
మనం గొప్పత్యాగాలు చేయనవసరం లేదు
మనం మళ్ళీ బాలలమైతే చాలు
మనందరి భవిత బంగారమే


-శివ భరద్వాజ్
భాగ్యనగరం
 

20, మే 2022, శుక్రవారం

జీవితం అంటే

 నేడు నిన్నవడం రేపు నేడవడం
రోజులు వారాలుగా వారాలు నెలలుగా
నెలలు సంవత్సరాలుగా మారడం కాదు
జీవితం అంటే వయసు పెరగడం కాదు
జీవితాన్ని జీవించామా
జీవితం సార్ధకత పొందిందా
జీవితంలో సాధించింది ఉందా
కోపాలు ద్వేషాలు
ఓరిమి లేని స్పందనలు
ఒక్క క్షణం బలహీనత బలహీన పరుస్తుంది
ఒక్క క్షణంలో జీవితం ఛిద్రమవుతుంది
ఒక్క క్షణం ఓపిక జీవితాలు నిర్మిస్తుంది
కోపంతో రగిలిపోతూ
పగతో సెగలుకక్కుతూ
ఎదుటివాడిని విమర్శిస్తూ
అరచేతిలో వినోదానికి బలహీనపడుతూ
బలమైన భాంధావ్యాలను బలహీనపరుస్తూ
బ్రతుకుబండి లాగిస్తున్న మానవుడా
ఇకనైనా మేలుకో
బ్రతుకంటే కాసులవేట కాదు
బ్రతుకంటే నువ్వే బ్రతకటం కాదు
బ్రతుకంటే మనతో పాటు పదిమందికి వెలుగునివ్వడం
బ్రతుకంటే జన్మభూమి సేవ చేయడం
బ్రతుకంటే తల్లిదండ్రుల అనాధలు చేయకుండటం
బ్రతుకంటే మనతో పాటు సమస్త జీవులను  బ్రతకనివ్వడం

- శివ భరద్వాజ్
భాగ్యనగరం

భారతీయ మహిళ ఔన్నత్యం

 నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼  మనం తరచుగా తెలివి...