ఆటవెలది:
నిటుల జరుగు చున్నది మనుజలందున,
ఎటుల చెట్టు నరుకుటకును, చెట్టు
యొక్క కట్టె సాయ గొడ్డలి కందునో,
నటుల కొందరు తమ జాతి నరుకు.
భావం: ఎలా అయితే కట్టె సహాయము లేకుండా గొడ్డలి చెట్టును నరకలేదో, అలాగే కొందరు స్వార్ధపరులైన మనుషులు తమ జాతినే నరుకుటకు గొడ్డలివంటి పరాయి దుర్మార్గులకు సాయము చేయును.
ఇలాగే పూర్వము మొఘలులు, బ్రిటిష్ వారు మన జాతి మీద అధిపత్యము చలాయించారు.
-శివ భరద్వాజ్
ఈ బ్లాగు వివిధ సందర్భాల్లో నా స్పందనకు అక్షర రూపం. జీవితంలో నేను తెలుసుకున్న సత్యాలకు ప్రతిరూపం.
10, జూన్ 2024, సోమవారం
ఎలా అయితే కట్టె సహాయము లేకుండా గొడ్డలి చెట్టును నరకలేదో
15, మే 2024, బుధవారం
జలధి ఉప్పొంగనీ నిజము కాదా
కలగని కల్మషము లేక,
లక్ష్యము స్థిరము కాగా,
నిలకడ యత్నము చేయ,
జలధి ఉప్పొంగనీ, కల నిజము కాదా!
-శివ భరద్వాజ్
ఏవిధమైన కల్మషము లేకుండా మనము కన్న కలలు ఏమైతే ఉన్నాయో, వాటిని మనం లక్ష్యాలుగా ఏర్పరుచుకోవాలి. ఈ లక్ష్యం స్థిరము కావాలి. పరిస్థితులు అనుకూలమైన, అనుకూలంగా లేక పోయినా, లక్షంపై మాత్రమే మన దృష్టి ఉండాలి. మన అడుగులు ఎప్పుడూ లక్ష్యంపై పడుతూ ఉండాలి. ఏకారణం చేతనైనా మనం పక్కదారి పడితే తిరిగి మన అడుగులు లక్ష్యం వైపు వేయాలి. అందుకు మీ లక్ష్యంని ఒక పోస్టర్ గా రూపొందించి దానిని మీ బెడ్ రూమ్ లో, మీరు ఇంటి హాలులో, మీ కారులో, మీ whatsapp DP గా, మీ movile wallapaper గా పెట్టుకోవాలి. నలుగురికి చెప్పాలి. ముఖ్యంగా మిమ్మల్ని ఎగతాళి చేసేవారికి, అప్పుడు మీరు పక్కకి తప్పుకుంటున్నప్పుడు అవి/వారు మీకు గుర్తు చేస్తాయి/చేస్తారు. మీరు లక్ష్యం సాధించగలరన్న బలమైన నమ్మకంతో, మీ లక్ష్యం కోసం క్రమం తప్పకుండా, ప్రతిరోజూ మీ ప్రయత్నం చేయాలి. అప్పుడు మీరు అనుకున్న లక్ష్యం సముద్రం ఉప్పొంగిపోయినా అంటే ఎలాంటి పరిస్థితి ఎదురైనా మీరు సాధించగలరు. మీ కలని నిజం చేసుకోగలరు.
12, మే 2024, ఆదివారం
అమ్మలందరికీ మాతృదినోత్సవ శుభాకాంక్షలు
💐💐💐*మా అమ్మలాంటి అమ్మలందరికీ మాతృదినోత్సవ శుభాకాంక్షలు.*💐💐💐
*అమ్మా - నీ ఋణమెలా తీర్చగలనమ్మా*
🙏*అమ్మా నీ ఋణమెలా తీర్చగలనమ్మా*🙏
-శివ భరద్వాజ్
9, మే 2024, గురువారం
మేం రాజకీయ నాయకులం
కడుపు నిండుగా మాంసాహారం,
గొంతు నిండుగా మద్యపానం,
జేబు నిండుగా నల్లధనం,
ఉచిత హామీలు ఎరగా పెట్టి గేలం వేస్తాం.
చిక్కిన చేపల దన్నుగ
చిక్కని చేపలు ఏడ్వగ
అందరి సంపద స్వాహా చేస్తాం
ప్రజాస్వామ్య రాజపుత్రులం
రాజరికపు నయా రూపులం
మేం రాజకీయ నాయకులం
పదవుల కోసమే పనిచేస్తాం.
-శివ భరద్వాజ్
ఓటరులారా! మీరు ప్రలోభ పడకండి, ఇతరులను ప్రలోభ పడనివ్వకండి.
మీరు పడినా, వారు పడినా ఐదేళ్ల పాటు వారు మనందరి నెత్తిన కూర్చుంటారు. అందినంత దోచుకుంటారు.
అందరూ ఓటేయ్యండి - సమర్ధులకే పట్టం కట్టండి.
2, మే 2024, గురువారం
మీ శ్రమని దాచిపెట్టి పిల్లలను పెంచకండి.
పరుల సొమ్ము ఎంత విలువైనదైనా అది మనది కాదు.
మనది కానిది ఆశించటం మంచిది కాదు.
మీ శ్రమని దాచిపెట్టి పిల్లలను పెంచకండి.
మీరు ఎంత శ్రమించి పెంచుతున్నారో చూడనివ్వండి.
అప్పుడు వారు ప్రతి రూపాయి విలువైనదని గ్రహిస్తారు.
మీతో కలసి నడుస్తారు. మీ శ్రమలో భాగం అవుతారు.
మిమ్మల్ని ప్రభుత్వాలో, అనాధ వృద్ధాశ్రమాలో,
మరొకరో చూడాల్సిన అవసరం రాదు.
-శివ భరద్వాజ్
మన ఓటు - మన కర్తవ్యం.
గమనించగ నాయకుల హామీలు,
కుక్కకు విసిరెడి గుప్పెడు మెతుకులు.
సంపద దొంగలకి, నువ్వే కాపలా!
ఆ సంపద నీదేనని తెలుసుకోవు,
నువ్వే యజమానివని మరిచేవు.
ఓట్ల వ్యాపారం చేసే రాజకీయ వ్యాపారి,
కోట్ల లాభం చూసేను, కానీ
నీ క్షేమం కోరునా! సంక్షేమం చూసేనా!
క్వార్టరిస్తే రోజంతా నిలబడి ఓటేస్తారు,
500 ఇస్తే రోజు కూలనుకుని ఓటేస్తారు,
ఉచితాలిస్తే ఊపుకుంటూ ఓటేస్తారు.
మరి మన బతుకెలా మారుతుంది!
నిన్ను కులం,మతం,ప్రాంతం,వర్గాలుగా
విభజిస్తారు, నీ ఐకమత్యం చీలుస్తారు.
వారు గెలుస్తారు.
మన బతుకులు మార్చరు!
నీటి మూటలు! వారిచ్చిన హామీలు.
మరో ఐదేళ్లవరకు నీకు శక్తి రాదు.
అందుకే, మనసులో ఏమున్నా
మన కర్తవ్యం మనం చేయాలి.
నాయకులు నాకేం చేసారు,
నేనెందుకు ఓటేయాలనకు.
ఆ నాయకుడినే మార్చే శక్తి
నీ ఓటుకుంది!
ఆ శక్తి ఉపయోగించవెందుకు ?
నీ తలరాత మార్చుకోవెందుకు?
మన ఓటు - మన కర్తవ్యం.
-శివ భరద్వాజ్
1, మే 2024, బుధవారం
సనాతన ధర్మాన్ని వ్యతిరేకించడానికి కారణాలు - సామాజిక దురాచారాలు
సనాతన ధర్మాన్ని వ్యతిరేకించడానికి కారణాలు - సామాజిక దురాచారాలు:
అయితే ఆ తప్పు సనాతన ధర్మానిది కాదు - అవి హిందూ మతంలోని లోపాలు. కాలక్రమంలో కొందరు చేర్చిన మూఢ విధానాలు.
ప్రధానంగా వీటికి రెండు మూలాలు ఉన్నాయి. అవి
1. కుల వ్యవస్థ వలన ఏర్పడినవి:
అస్పృశ్యత: బాగా తగ్గింది.
వెట్టి చాకిరి: చాలా వరకు లేదు.
సంఘ బహిష్కరణ లేక వెలి: చాలా వరకు లేదు.
దేవాలయ ప్రవేశ బహిష్కరణ: చాలా వరకు లేదు.
నిమ్న కుల విద్యా నిషేధం: చాలా వరకు లేదు.
వేదవిద్య నిషేధం: ఉంది
2. లింగ అసమానత వలన ఏర్పడినవి:
సతీ సహగమనం: ఉనికిలో లేదు.
బాల్య వివాహాలు: చాలా వరకు లేవు.
వివాహమైన స్త్రీ మొదటిరోజు బ్రాహ్మణునితో గడపాలి అనడం: ఉనికిలో లేదు.
వితంతు వ్యవస్థ: ఉంది
బహు భార్యత్వం: చాలా వరకు లేదు.
స్త్రీ విద్య నిషేధం : లేదు.
స్త్రీకి వారసత్వపు ఆస్తి హక్కు: లేదు
వరకట్నం: ఉంది
దేవదాసి/జోగిని వ్యవస్థ: చాలా వరకు లేదు.
మనం కులవ్యవస్థ నిర్మూలించి, లింగ సమానత్వం తీసుకువస్తే హిందూ మతంలో ప్రధానంగా చెప్పబడుతున్న లోపాలు నివారించవచ్చు. పై వాటిలో కొన్నిటిని నివారించటానికి చట్టపరమైన భద్రత ఉంది.
సనాతన ధర్మంలో చాలా మంచి విషయాలు ఉన్నాయి. అది భారతీయ జీవన విధానం. హిందూ మతంలో కాలక్రమంలో వచ్చి చేరిన కలుషితాలను శుభ్ర పరిస్తే అది మళ్ళీ పవిత్ర గంగానది అవుతుంది. వీటి కారణంగా మొత్తం ధర్మాన్నే వ్యతిరేకించటం, అవమానించటం సరి కాదు.
మన శరీరంలోకి జబ్బులు వస్తే ఆ జబ్బు పోగొట్టుకోవడానికి ప్రయత్నించాలి. కానీ శరీరాన్ని నిర్మూలించము కదా!
-శివ భరద్వాజ్
30, ఏప్రిల్ 2024, మంగళవారం
మరణం లేని కవి - అస్తమించని రవి - శ్రీ శ్రీ
కార్మిక దినోత్సవ ముందురోజు
విప్లవ వేగు చుక్కై,
తూరుపు తీరాన ఉప్పెనై,
'ప్రభవించిన మరో
వెలుగుల రేడు శ్రీ శ్రీ
అభ్యుదయ సిరాతో
'మహా ప్రస్థానం' సాగించి,
'మరో ప్రపంచం' సృజించి,
పద 'ఖడ్గ సృష్టి' చేసి,
విప్లవ కవితా వృష్టిచే,
'రివల్యూషన్ రెక్కలు
విప్పి, స్వేచ్ఛగా ఎగిరినాడు
'ప్ర-జ'ల హృదయముల శ్రీశ్రీ
ఆ గొంతే శంఖారావం,
అక్షరమే నిప్పు కణం,
పదాల కత్తులు దూసి,
చీకి పోయిన కవితా వస్తువుల
కుత్తుక కోసెనదిగో,
అగ్గిపుల్ల, సబ్బుబిళ్ళ,
కుక్కపిల్ల కాదేదీ కవితకనర్హం
అన్న 'అనంత' శయనుడు
మహాకవి శ్రీశ్రీ
మరణం లేని కవి,
అస్తమించని రవి.
- శివ భరద్వాజ్
29, ఏప్రిల్ 2024, సోమవారం
అద్భుతము జరుగునదే!
అద్భుతములు సృష్టించగ,
అద్భుత యత్నములు, అవసరము లేదు సుమా!
సద్బుద్ధి, యత్నములచే
అద్భుతము జరుగునదే! నిరంతర శ్రమచే!!
-శివ భరద్వాజ్
భారతీయ మహిళ ఔన్నత్యం
నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼 మనం తరచుగా తెలివి...
-
మాటలు చెప్పుటేగాని మరి నిజముగ చేయ రాదు అడిగిన తరుణమున మురియ, ఆదుకొనగ చేత గాదు సాయము చేయు వారి మనసా! నువు వెన్నవా? కాదు మాయెడల దయ చూపు ...
-
డబ్బు జబ్బు చేసిన మనిషికి గౌరవం మబ్బు చాటుకి వెళ్లిన తెలియటం లేదు తెలిసినా పట్టించుకోవడం లేదు నిబ్బు మందుతో జోగుతూ, కులం కైపుతో తూలుతున్నా ...
-
స్పందించేందుకు సమయం లేదు వివరించేందుకు విషయం లేదు వినేటందుకు ఓపిక లేదు తెలుసుకునేంత తీరిక లేదు మన బ్రతుకేదో బ్రతికేస్తున్నాం మన చావేదో చస్త...
