మన ఓటు - మన కర్తవ్యం.

గమనించగ నాయకుల హామీలు,
కుక్కకు విసిరెడి గుప్పెడు మెతుకులు.
సంపద దొంగలకి, నువ్వే కాపలా!
ఆ సంపద నీదేనని తెలుసుకోవు,
నువ్వే యజమానివని మరిచేవు.

ఓట్ల వ్యాపారం చేసే రాజకీయ వ్యాపారి,
కోట్ల లాభం చూసేను, కానీ
నీ క్షేమం కోరునా! సంక్షేమం చూసేనా!

క్వార్టరిస్తే రోజంతా నిలబడి ఓటేస్తారు,
500 ఇస్తే రోజు కూలనుకుని ఓటేస్తారు,
ఉచితాలిస్తే ఊపుకుంటూ ఓటేస్తారు.
మరి మన బతుకెలా మారుతుంది!

నిన్ను కులం,మతం,ప్రాంతం,వర్గాలుగా
విభజిస్తారు, నీ ఐకమత్యం చీలుస్తారు.
వారు గెలుస్తారు.
మన బతుకులు మార్చరు!
నీటి మూటలు! వారిచ్చిన హామీలు.

మరో ఐదేళ్లవరకు నీకు శక్తి రాదు.
అందుకే, మనసులో ఏమున్నా
మన కర్తవ్యం మనం చేయాలి.
నాయకులు నాకేం చేసారు,
నేనెందుకు ఓటేయాలనకు.
ఆ నాయకుడినే మార్చే శక్తి
నీ ఓటుకుంది!
ఆ శక్తి ఉపయోగించవెందుకు ?
నీ తలరాత మార్చుకోవెందుకు?

మన ఓటు - మన కర్తవ్యం.

-శివ భరద్వాజ్