బలము కలిగిన వాడే శాంతి స్థాపన చేయు - గెలిచినోడే చరిత్ర రాయు

బలము కలిగిన వాడే శాంతి స్థాపన చేయు,
దుర్భలుడు తనవారి దుఃఖ పెట్టు.
కనులు మూసుకున్నచో కీడు తెలియదు,
అలసత్వమున్నచో ఆపదలు కలుగు.
బల, ధైర్యములున్నచో కీడు విరుగు.

జాతి మనుగడకు ఐక్యత మూలము.
సంఘ మనుగడకు సంఖ్య బలము.
సంఖ్య పెరిగిన బలము పెరుగు,
బలము కలిగిన శాంతి కలుగు.
 
ధైర్యముగా నిలబడిన దాడులాగు.
ఐక్యత లేని జాతి కనుమరుగునగు.
ధైర్యము లేని జాతి దేబిరించు.
నీవెటులుందువో నిర్ణయించు.

నీ జాతి వెలుగు, నీ నిర్ణయమే అని మరువకు.
గెలిచినోడే, చరిత్ర మార్చునన్న నిజాన్ని మరువకు.
-శివ భరద్వాజ్