పిల్లల సందడి

గణ గణ మని గంటలు మోగెను
జనగణమన పిల్లలు పాడెను
త్వర త్వరగా బ్యాగులు సద్దెను
బిల బిల మని బయటకువచ్చెను
గభ గభమని ఇంటికి వచ్చెను
గల గలమని నవ్వులు నవ్వెను
టక టకమని గంతులు వేసెను
అబ్బబ్బయని అమ్మలు అరిచెను
చిటపటమని చినుకులు కురిసెను
టపటపయని డాన్సులు చేసెను
సరసరమని అమ్మలు వచ్చెను
సురసురమని చూపులు రువ్వెను
మెలమెల్లగా పిల్లలు వచ్చెను
యేడియేడిగా బజ్జీలొచ్చెను
కరకరమని అందరు తినెను
అమ్మను పొగుడుతూ పిల్లలు  పండెను
నాన్నలు నవ్వుతూ అమ్మల చూసెను

-శివ భరద్వాజ్