ఎర్ర జీర వెనకున్న ఎండిన మంజీర - నాన్న

నాన్న జేబు ఎత్తుగా ఉందని,
తడిమే కొడుకుకు తెల్వదు,
నాన్న జేబు క్రింద ఉన్న
బిల్లుల చిల్లుల గురించి.

ఏ! మా నాన్న పీసోడు, అని
ముఖం చిట్లించేటోనికి తెల్వదు,
ఆ పీసుతనం వెనుక బతుకు
పీసులు కాకుండా అడ్డుకుంటుండని.

ఇస్మార్టు ఫోను కిస్తిలా కొనలే,
మా బాపు! అనేటోనికి తెల్వదు,
జీతపు గాలిని పిడికిట పట్టిండని,
తెర్వంగానే, కిస్తీల జిక్కి ఖాళీ అవుతుందని.

సిన్మాకు దొస్తుగాళ్లతో పోతానంటే,
ఎర్రబడ్డ నాయన కంటిలా
దాక్కొన్న నీటి చుక్కకే తెలుసు,
ఎర్ర జీర వెనకున్న ఎండిన మంజీర.

- శివ భరద్వాజ్