చప్పట్లు ఎప్పుడూ ఒక చేత్తో మోగవు

చప్పట్లు ఎప్పుడూ ఒక చేత్తో మోగవు

పొసగ లేదని గొడవపడి కలత చెంది
విడివడి బ్రతుకుటమేలని
విడిపోవుచున్న జంటలు చూసి
ఏమనుకోవాలి
ఒకరిని విడిచి ఒకరుండలేమని బాస చేసి
మూడు ముళ్ళు వేసి
ముందుకు సాగిన వైవాహిక బంధము
మూడు నాళ్ళు గడవక ముందే
బలహీనపడి విడిపోవుటకు
సిద్ధమగుటను ఏమను కోవాలి
తనను తాను మార్చుకొనక
ఎదుటి వారిని మార్చాలని
వారి నుండి ప్రేమ అందడం లేదని
బాధ పడేకంటే
గొడవపడి విడిపోయే కంటే
ప్రేమ పంచటానికి సిద్ధ పడి
సమస్యకు మూల కారణం గుర్తించి
సమస్యను సామరస్యంగా పరిష్కరించ గలిగితే
ఆ బంధం మరింత దృఢ మవుతుంది
అనుబంధం మరింత సుదృఢ మవుతుంది

ఆశించే ముందు ఇవ్వడం నేర్చుకో
మారమనే ముందు మారడం నేర్చుకో
వేలెత్తి చూపే ముందు నిన్ను నువ్వు చూసుకో
అనుమానించే ముందు అవగతం చేసుకో
అవమానించేముందు అభిమానించడం నేర్చుకో
కూల్చేముందు నిర్మించడం తెలుసుకో

--శివ భరద్వాజ్
భాగ్యనగరం