జీవిత పయనం

ఈ ఉదయం నీది,
ఈ అస్తమయమూ నీది,
ప్రతి అస్తమయం నవోదయానికి ఆరంభం,
ప్రతి ఉదయం అస్తమయానికి ప్రారంభం,
కానీ చీకటిలోనే నీవుండి పోతే,
రేపటి పగలు చూసేదెవ్వరు,
ఓటమికి భయపడుతూ ప్రయత్నం మానేస్తే,
గెలుపు నిన్ను చేరేదెప్పుడు?
గెలుపు వచ్చిందని అహంకారం తలకెక్కితే,
ఓటమి చీకటి నిన్ను కమ్ముకోవడం ఆగదు.
చక్ర భ్రమణం నీ జీవితం,
ఒకసారి కింద, ఒకసారి పైన
ఏదేమైనా ఆపకు నీ గమనం.
అదే నీ జీవిత పయనం.
 
-శివ భరద్వాజ్