స్వార్థం

స్వార్థం నిశ్శబ్ద మృగం, మనందరిలో తిరుగుతుంది.
అది అవసరం ముసుగు వేసుకుని, నీడలో గుసగుసలాడుతుంది,
స్వార్థం మన కోరికల మాంసపు ముక్కలను తింటుంది.
ఇతరుల ఆకలిని సంపద మార్గంలా చూస్తుంది
మనం ప్రతిక్షణం, సంపదకోసమే పనిచేసేలా చేస్తుంది.

స్వార్థం మనుగడ మోసపూరితమైనది,
దాని వెచ్చదనానినికి ఆకర్షితుడైన మనిషి,
చీకటి జ్వాలల చిక్కిన మిడతలా దగ్ధంకాక మానడు,

సోదరా స్వార్ధపు పిడికిలి విప్పుదాం,
మూసిన హృదయపు కిటికీలను తెరుద్దాం,
ఆహ్లాదపు నవోదయ కిరణాలకు ఆహ్వానం పలుకుదాం.
నిస్వార్థతలో మనం సమృద్ధిని కనుగొందాం,
దాచుకోవడంలో కాదు, పంచుకోవడంలో ఆనందం చవిచూద్దాం.
మన ప్రపంచం, మన ఉదయం మరింత  ప్రకాశవంతంగా వికసిస్తుంది.

-శివ భరద్వాజ్