అన్నదానము గొప్పదనవచ్చునే గాని
అన్నంబు జాములో నరిగి పోవు
వస్త్రదానము గూడ భవ్యదానమె గాని
వస్త్రమేడాదిలో పాతదగును
గృహదానమొకటి యుత్కృష్ట దానమె గాని
కొంప కొన్నేండ్లలో కూలిపోవు
భూమిదానము మహా పుణ్యదానమె గాని
భూమి యన్యుల జేరి పోవవచ్చు
అరిగిపోక , ఇంచుకయేని చిరిగిపోక
కూలిపోవక యన్యుల పాలుగాక
నిత్యమయి, వినిర్మలమయి,నిశ్చలమయి
యొప్పుచుండు విద్యాదానమొకటి జగతి
- చిలకమర్తి లక్ష్మి నరసింహం
కామెంట్‌లు లేవు:
కామెంట్‌ను పోస్ట్ చేయండి