ఆగష్టు 14 అఖండ భారతి ముక్కలైన రోజు

ఆగష్టు 14 అఖండ భారతి ముక్కలైన రోజు

అఖండ భారతి ముక్కలైన రోజు
కుటిల నీతికి నేతలు తలవంచిన రోజు
ఈ రోజుకి ఆగని చితి రగిలి న రోజు

అన్నదమ్ముల బద్ధ శత్రువులజేసి  
మతము చేసిన మారణ హోమానికి
అమాయక ప్రజలు సమిధలైన రోజు

జన్మభూమితో బంధం తెగిపడి
ప్రాణాలరచేతినబట్టి పరిగెత్తిన రోజు
రాబందుల రాజ్యంలో రాబందులకాహారంగా
లక్షల పీనుగులు అనాధ ప్రేతలై మిగిలిన రోజు

ఆత్మ బంధాలు, రక్త బంధాలు
తెగిపడి రక్తం ఏరులై పారినరోజు
కుటిల నీతికి నేతలు తలవంచిన రోజు
ఈరోజే ఆరని చితి రేగిన రోజు

స్వతంత్రామృతం దక్కే ముందు
మతము పేరిట హాలాహలం  ప్రభవించిన రోజు
-- శివ భరద్వాజ్,
భాగ్య నగరం