అమ్మ కష్టము నాకు ఏమి తెలుసు
నను లాలించి పెంచి పెద్దచేసిన
అమ్మను ఏమి తెలియని బేలగా చూసిన
నాకు ఏమి తెలుసు ఆమె పడిన కష్టము
తన వెచ్చటి గుండెలకు హత్తుకొని నా చలిని పోగొట్టింది
తన నాలుకతో నా కంటిన నలుసును తీసివేసింది
తను మెత్తగ నెత్తిన తట్టి దగ్గును పోగొట్టింది
ఎక్కిల్లు వస్తే మంచినీటినిచ్చి నిలువరించింది
నే పక్క తడిపితే ఓపికతో మార్చింది
నా మాసిన బట్టలు ప్రేమగా ఉతికింది
నేను ఏడుస్తున్నది పాలకోసమా , బొమ్మ కోసమా
నలత వలనో, కలత వలనో కనిపెట్టి
పాలను పట్టి, బొమ్మను చూపెట్టి,
మందు వేసి కనిపెట్టి, గుండెలకు అదిమి పెట్టి
నా భయము పోగొట్టినట్టి అమ్మను
నిరంతరం తన కంటిపాపలా లాలించినట్టి అమ్మను
ఏమి తెలియని బేలగా చూసిన
నాకు ఏమి తెలుసు ఆమె పడిన కష్టము
మహిళా దినోత్సవ శుభాకాంక్షలతో
--శివ భరద్వాజ్
భాగ్యనగరం
8, మార్చి 2022, మంగళవారం
అమ్మ కష్టము నాకు ఏమి తెలుసు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి