భోగి శుభాకాంక్షలు!

భోగం పెరిగింది… భాగ్యం పెరిగింది,
కానీ సంతోషించలేని రోగం పెరిగింది.

తృప్తి తెలియని అహం పెరిగింది,
అనుభవించగలిగే కాలం తగ్గింది.

అరచేతిలో అన్నీ ఉన్నా,
అనుభూతులు దూరమయ్యాయి.
జీవనవేగం అదుపుతప్పి,
మనసు నెమ్మదించలేక పోతుంది.

బద్ధకం, అలసత్వం, లాలసత్వం,
సోషల్ మీడియా వికృతులు,
వాయిదాల గుణం, మోహం—
ఈ అన్నింటినీ భోగి మంటల్లో
బూడిద చేయగలిగితే…

ఈ భోగి
భోగమే కాదు,
నిజమైన భాగ్యాన్ని ప్రసాదిస్తుంది.

🔥 లోపాలన్నీ తొలగించుకుని,
లోపలి వెలుగును దర్శించుకుని,
మీ ఇంట సుఖ సంతోషాల వెలుగు,
నిత్యం ప్రసరించాలని కోరుకుంటూ,
భోగి శుభాకాంక్షలు! 🔥