నీ ధ్యేయ నిష్ఠేరా - ఈ జాతికి రక్షణ

 
నీ ధ్యేయ నిష్ఠేరా, ఈ జాతికి రక్షణ,
నిదురపోక నిలబడరా శ్రీ రామ రక్షగా.

దండాయుధపాణియై, సంఘటనము చేయరా,
నిత్య శాఖలోన నువ్వు సాధననే చేయరా,
గడ్డిపోచలన్నిగూడి గజమును బంధించురా,
అసాధ్యమేది కాదురా, కలిసిమెలిసి ఉండరా

చుట్టు ఉన్న పరిస్థితికి, కలత చెందబోకురా
సంయమనము పాటించి, ముందు నువ్వు నడవరా
భయమును ఓడించినా విజయమ్మే నీదిరా,
ఛత్రపతి ఆదర్శము, ధీరుడవై నిలవరా,

పంచ పరివర్తన నీ జాతిలో తెమ్మురా,
అహరహము శ్రమియించి ఆ కార్యము చేయరా,
హిందు సమ్మేళనము, మన లక్ష్యము సోదరా,
సధ్భావన కలిగించి, సంఘటనము చేయరా 

-శివ భరద్వాజ్