కొత్త తేజమును పొంది గెలవగ తిరిగి రండి

సీస పద్యం:

ఫలితము లొచ్చెను,  పిల్లల రాతకు,
వివరము తెలిసెను, విజయములను
పొందిన వారి, విశ్రాంతి నందిన వారి,
చింత వలదు  ఫలితంబు గూర్చి,
వదలి పెట్టి, కొనసాగవలె నీ గెలుపుకై,
అలసిన గుండెకు తాతల ఒడి
సేద తీర్చును, ఊరు వెళదాం, పదండిక
నాయనమ్మల చేతి వంట తినగ!

 
తేటగీతి(పంచపాది):

వారి యాశీసులంది, ఊరంత తిరిగి,
పచ్చటి పొలముగట్లపై పరుగులెత్తి,
ఉసిరి కాయల చెట్టుతో ఊసులాడి!
లేత మామిళ్ల రుచులు చూసేసి, కొత్త
తేజమును  పొంది గెలవగ తిరిగి రండి!!

-శివ భరద్వాజ్