ఆమె నా కెప్పుడు ప్రత్యేకం కాదు

ఆమె నా కెప్పుడు ప్రత్యేకం కాదు,
ఆమె నాతో సమానమెప్పుడు కాదు,
అమ్మలా కాపాడే ఆమె నాకు ప్రత్యేకం
అక్కలా ఆదరించే ఆమె నాకు ప్రత్యేకం
చెల్లిలా చిరునవ్వులు పూయించే ఆమె నాకు ప్రత్యేకం
చెలిలా స్నేహాన్ని పంచే ఆమె నాకు ప్రత్యేకం
ప్రియురాలిగా ప్రేమ మాధుర్యాన్ని పంచే ఆమె నాకు ప్రత్యేకం
భార్యగా నా కుటుంబాన్ని పెంచి పోషించే ఆమె నాకు ప్రత్యేకం
ప్రకృతిరూపమై నను పరిరక్షిస్తున్న ఆమె నాకు ప్రత్యేకం
ఆమె ఎప్పుడు నాతో సమానం కాదు,
నన్ను పుట్టించి, పెంచి, ఆదరించి,చిరునవ్వులు పూయించి,
స్నేహాన్ని, ప్రేమను పంచి, నా కుటుంబాన్ని పరిరక్షిస్తున్న ఆమె
నాతో సమానం కాదు. నేను పూజించే దేవత.

మహిళా మూర్తులందరికీ మహిళా దినోత్సవ శుభాకాంక్షలు.
-శివ భరద్వాజ్