నాటకాలాడేవు నరుడా!
నాది నాదనుచు నలుదిక్కు తిరిగేవు నరుడా!
నీదన్నదేదీ నరుడా!
చిట్టచివరికి ఏకాకి నడకే నరుడా! ||నాటకాలాడేవు||
ఎంత బలమున్నగాని నరుడా!
నిన్ను మోసేకి, ఇంకొకరు కావాలి నరుడా!
ఎంత ధనమున్నగాని నరుడా
కాలేది కట్టెలా నడుమేరా నీవు నరుడా! ||నాటకాలాడేవు||
ఎంత గొప్పోనివైనా నరుడా!
ఈ బుడగ పేలేది నిక్కంబు నరుడా!
శివము పోయి శవమైతే నీవు నరుడా!
నిన్నోపలేరు నీ ఇంటనోయి నరుడా! ||నాటకాలాడేవు||
ఏ బతుకు బతుకేవు నరుడా!
నలుగురితో నవ్వుతూ బతకాలి నరుడా!
చేయగలిగితే చేయి నరుడా!
సాయంబు శాశ్వతంబౌను నరుడా! ||నాటకాలాడేవు||
- శివ భరద్వాజ్
10, మార్చి 2024, ఆదివారం
నాటకాలాడేవు నరుడా!
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
కామెంట్లు లేవు:
కామెంట్ను పోస్ట్ చేయండి