తననుకున్నది జరగకపోతే చావాలి! - తనకనుకూలంగా జరగకపోతే చంపాలి!. ఇదెక్కడి సంస్కారం?

 తననుకున్నది జరగకపోతే చావాలి
తాను కోరుకున్నది దక్కకపోతే చావాలి
తనను తిరస్కరిస్తే చావాలి
తనను తిరస్కరిస్తే చంపాలి
తనకు కావాల్సింది దక్కకుంటే చంపాలి
తనకనుకూలంగా జరగకపోతే చంపాలి

చావటంలోనైనా చంపటంలోనైనా
ముగిసిపోయేది ఒక జీవితమని
మిగిలిపోయేది కన్నవారి కలలని
మిగిల్చిపోయేది అంతులేని విషాదమని
పగిలిపోయేది వారి గుండెలని
ఒక్క క్షణకాలం ఆలోచించలేని
ఆలోచింప చేయలేని కులమెందుకు?
మతమెందుకు? ధనమెందుకు?
పరువెందుకు? చదువెందుకు?

అరచేతిన ప్రపంచ జ్ఞానం ఒడిసి పట్టిన మానవుడా!
మర బొమ్మల చేసి మర బొమ్మవైన రాక్షసుడా!
మధురమైన బంధమంటే మగువ పొందొకటే కాదు.  
నువు బ్రతికి, బ్రతికించటం నేర్చుకో
పోయేదంతా మంచికని తెలుసుకో
ధర్మం వీడకుంటే అంతకు మించి దక్కుతుందని తెలుసుకో
నిత్యం గీతను స్మరించుకో
నిన్ను నువ్వు సంస్కరించుకో