నా వెంట ఎందరున్నా నే ఒంటరినే నా పయనం నీతోనే

నా వెంట ఎందరున్నా నే ఒంటరినే

అనాదిగా గెలవాలని, నా నమ్మకం
పునాది చేసి ప్రయత్నిస్తూనే ఉన్నా
సనాతన ధర్మం చెప్పిన విధానలతో
ఆధునిక విజ్ఞాన శాస్త్ర నియమాలతో

నా జీవన కాలం కొద్దిగా పెరుగుతుంది గాని
నేనెంత పెనుగులాడిన పీనుగవడం సత్యమని
నేనెంతవాడను నీ ముందని తెలిసిన, శాశ్వతమని
మిధ్యలో నిరంతరం బ్రతికేస్తూనే వున్నా

నిన్ను చూసిన నాడు నాకెంత బలమున్నా
నాకెంత ధనమున్నా, నా పదవేదైనా
నా మతమేదైనా, నా కులమేదైనా
నా వెంట ఎందరున్నా నే ఒంటరినే

--శివ భరద్వాజ్
భాగ్యనగరం