కాలమెప్పుడు సాపేక్షమని తెల్సుకో - బాధలో భారంగా ఆనందంలో దూది పింజలా

 కాలాన్ని గౌరవించడం నేర్చుకో

ముదురుతుంది వయస్సుని కాలం కరుగుతుందని
కుదురుగా కూర్చోలేక కాలం పరుగెడుతుందని
అదును చూసి అందరిని తనలో దాచేస్తుందని
ఎదురు చూస్తున్నాను ఐనా కాలం అగుతుందని

మదనమెంత పడినను మన కోసమాగదని
ఎదనెంత భారమును ఎత్తినను ఆగదని
ఎదురీత తప్పదని ఏమైన మారదని
మది నిండిన బాధను మరిచి నిను సాగమని

ఎలా ఉండవలెనో తెల్సుకో మసులుకో
కాలాన్ని గౌరవించడం నేర్చుకో
కాలాన్ని సద్వినియోగ పర్చుకో
కాలమెప్పుడు సాపేక్షమని తెల్సుకో

బాధలో భారంగా ఆనందంలో దూది పింజలా
అది ఉంటుంది ఏది ఏమైనా అది ఆగదు
లేనిదాని కోసం ఆరాటం కాక
ఉన్నదానితో ఆనందపడు గాక

--శివ భరద్వాజ్

భాగ్యనగరం.