ఉనికి - మనిషి జీవితం
బాల్యంలో తీయటి నీటి ఊటలా
మొదలై కౌమారంలో సెలయేటిలా
ఉరకలెత్తి అందరినీ మురిపించి
యవ్వనంలో ఉప్పొంగు ఉత్సాహ జలపాతమై
ఉరకలెత్తి ఉధృత నదిలా మారి
జీవిత అనుభవాలచే నడివయసున
మందగమనమై తన చుట్టూ ఉన్న అవనిని
సస్యశ్యామలం చేసి సుజలాన్ని పంచి
అందరి దాహర్తి తీర్చి సుందర డెల్టాలను
సృష్టించి, జీవితాలను సమృద్ధి చేసి
వృద్ధ దశలో తనను ప్రక్కనపెట్టినారని
కన్నీటి ఉప్పదనం నిండ ఎంత గొప్ప నదియైన
మృత్యు సముద్రంలో కలువక తప్పదు
తన ఉనికిని కోల్పోక తప్పదు
--శివ భరద్వాజ్
భాగ్యనగరం
కామెంట్లు లేవు:
కామెంట్ను పోస్ట్ చేయండి