*మధుర భావన*
ఉదయపు తలుపులు తెరవగానే,
ఎర్రటి సూర్యుని పలకరింపు
ఒక మధుర భావన.
వర్షపు చినుకులు తడపగానే
నేల గుభాళింపు
ఒక మధురమైన వాసన.
ఉదయపు నడకన చెలిని చూడగానే,
తనువు పులకరింపు,
ఒక చక్కనైన భావన.
-శివ భరద్వాజ్
ఈ బ్లాగు వివిధ సందర్భాల్లో నా స్పందనకు అక్షర రూపం. జీవితంలో నేను తెలుసుకున్న సత్యాలకు ప్రతిరూపం.
6, అక్టోబర్ 2023, శుక్రవారం
మధుర భావన
4, అక్టోబర్ 2023, బుధవారం
వాడే, వాడు కలలుగన్న లక్ష్యాలు సాధించగలడు.
నిశ్శబ్ద నిశీధి అంతరంగంలోకి చూస్తూ
నిశ్చల జలధి మధ్యలో నిల్చొని ఉన్నా
ఆశగా, ధైర్యంగా కలలు కన్న మానవుడు
నిరాశ నిస్పృహలో కూరుకుపోయినపుడు
ఆశ్చర్యంగా, భయపడుతూ కలలు
నిజంగా నిజమవుతాయా అని సందేహిస్తూ,
నడిచే శవమై మిగులుతాడు
తానున్న చోటే సమాధి అవుతాడు
ఏ ప్రయత్నం లేకుండా, శిలలా నిలబడితే
లక్ష్యం, విజయం, విప్లవం అని అరిస్తే
అది తిరిగి ప్రతిధ్వనిస్తుంది తప్ప
మరేది తిరిగి ప్రతిఫలంగా లభించదు.
కానీ ఎవడైతే ఆ ఎడతెగని నిశ్శబ్దాన్ని ఛేదించి
దాని మెడలు వంచి, ఆలోచన దారాలను
అల్లెతాడుగా పెనవేయగలడో,
తన ప్రయత్నాలను ముడి వేసి విల్లుగా మార్చగలడో,
అంతులేని ఆత్మ స్థైర్యంతో ఎక్కుపెట్టగలడో
వాడే, వాడు కలలుగన్న లక్ష్యాలు సాధించగలడు.
-శివ భరద్వాజ్
26, సెప్టెంబర్ 2023, మంగళవారం
విద్య ఒసగవలెను వినయమును
విద్య ఒసగవలెను వినయమును
ఆటవెలది:
విద్య ఒసగవలెను వినయమును, గుణము
గురువు హెచ్చుచేయవలెను, తల్లి
దయను, ధర్మ వర్తనమును తండ్రియ నేర్ప
వలెను, నడత తాను నడవవలెను.
25, సెప్టెంబర్ 2023, సోమవారం
మార్గమగుపడదు ప్రయత్నమాగిన మనసా
కంద పద్యం:
మార్గములన్నియు మూసిన
మార్గమొకటి దొరకు పట్టు వదలక సాగిన,
మార్గము దొరకదు ఆగిన,
మార్గమగుపడదు ప్రయత్నమాగిన మనసా
24, సెప్టెంబర్ 2023, ఆదివారం
కోటియున్న కొంచమాకలి పుట్టించలేము - కొంచమైనా కునుకు కొనలేము సోదరా!
కోటియున్న కొంచమాకలి పుట్టించలేము
కోటియున్న కొంచమాయువు పెంచలేము
కోటియున్న కొద్ది బాధను పంచలేము.
కోటియున్న పట్టు పరుపులు కొనవచ్చు గాని,
కొంచమైనా కునుకు కొనలేము సోదరా!
భావం:
కోటి రూపాయలు వలన సహజమైన ఆకలి పుట్టించలేము. ఒక్క నిముషమైన ఆయువుని పెంచలేము, మన బాధను ఇంకొకరికి ఇవ్వలేము. అలాగే పట్టు పరుపులు కొనవచ్చుగాని కొంచెము సేపు సహజమైన నిద్రను కొనలేము.
21, సెప్టెంబర్ 2023, గురువారం
కోటియున్న నిద్ర కొన లేము - కోటిఇచ్చిన బాధ వేరొకరు పడరు
కోటియున్నను నిద్రను కొనగ లేము!
కోటిఇచ్చిన బాధ వేరొకరు పడరు!
నీవు చేసిన తప్పుకు శిక్ష, నీకు
పడుట సత్యము. అక్రమార్జనమువలదు.
భావం:
కోటి రూపాయలు నీ వద్ద ఉన్నాగాని నిద్రను కొనలేము. కోటి రూపాయలు ఇచ్చిన నీ బాధ వేరొకరు నటించునేమో గాని, బాధ పడవలసింది నీవే. అక్రమ మార్గంలో ఎంత సంపాదించినా, ఏదో ఒకరోజు శిక్ష పడక తప్పదు. అందుకే అక్రమార్జన వదిలిపెట్టవలెను.
20, సెప్టెంబర్ 2023, బుధవారం
కుత్సితమున కోట్లు కూడబెట్టినను - ఉత్సుకతన ఒక్కనోటును రాదు
కుత్సితమున కోట్లు కూడబెట్టినను
ఉత్సుకతన ఒక్కనోటును రాదు
ధర్మముగా పది వందలు పొంది
ధర్మము చేసిన పది రూప్యములును
ధర్మము నీ వెంటవచ్చు తోడుగను
ధర్మపరుడను కితాబు మిగులును
భావం:
చెడు మార్గాల ద్వారా కోట్లు కూడబెట్టినా కూడా నీవు చనిపోయినప్పుడు ఉత్సాహంగా నీవెంట ఒక్క నోటు కూడా రాదు. కానీ ధర్మ మార్గముల ద్వారా పది వందలు సంపాదించి, అందులోనుంచి పది రూపాయలు దానం చేస్తే, ఆ ధర్మం నీవు చనిపోయాక కూడా నీ తోడు వస్తుంది. పైగా ధర్మ పరుడని అందరు నిన్ను గుర్తుంచుకుంటారు.
19, సెప్టెంబర్ 2023, మంగళవారం
కలిగున్న దాని యడల తృప్తి శుభము - కలతవలన తరుగును ఆయువానందములు
మేడ లేదు నాకని భాదను పడుతుంటిని,
గూడు లేని వానిని చూసి కుదుట పడితిని.
కలిగున్న దాని యడల తృప్తి శుభము. వదులు
కలతవలన తరుగును ఆయువానందములు.
భావం:
మేడ లేదని భాద పడుతున్నాను. అప్పుడు నేను ఇల్లే లేని వానిని చూసాను. అపుడు నా మనసు కుదుటపడింది. మనం మనకున్న దాని పట్ల తృప్తితో ఉండాలి. అప్పుడు మనకు అన్ని విధాల మంచి జరుగుతుంది అలా కాకుండా మనకు అది లేదు, ఇది లేదు అని ఎప్పుడూ బాధ పడుతూ కూర్చుంటే, మనం ఉన్నదానితో ఆనందంగా ఉండలేము. దీనిని వదిలి వేయాలి, లేకుంటే మనం సంతోషంగా గడపలేము. మన ఆరోగ్యం క్షీణిస్తుంది, దానితో పాటు మన ఆయుర్దాయం తగ్గిపోతుంది.
18, సెప్టెంబర్ 2023, సోమవారం
తొలి పూజ దేవుడు - విఘ్న హరుడు - వినాయకుడు
తొలి పూజ దేవుడు - విఘ్న హరుడు - వినాయకుడు
తొలి పూజ దేవుడు విఘ్న హరుడు.
హర పుత్రుడు, ఉండ్రాళ్ళ బంటు సుమా!
ఉమా సుతుడు,మూషికాసుర గర్వ సంహారి.
హరికి మేనల్లుడు,హరిద్రా స్వరూపుడు.
రూపమున గజాననుడు, షడానన సోదరుడు.
ధరణి,పాతాళ,స్వర్గములను ముల్లోకముల
లోక నాయకుడై పూజలందు కొనునమ్మా!
అమ్మానాన్నలే ముల్లోకములని తెలిపిన సుబుద్ధి.
బుద్ధిపతి,మా గణపతి పొందె గణాధిపత్య సిద్ధి.
సిద్ధిపతి, సర్వలోకముల తొలి పూజ దేవుడు.
-శివ భరద్వాజ్
భారతీయ మహిళ ఔన్నత్యం
నిజంగా లోతైన ఆలోచన కలిగించే వ్యాసం👇 🌼 మహిళల తెలివితేటలను అర్థం చేసుకోవడానికి ఎవరైనా ఎప్పుడైనా నిజంగా ప్రయత్నించారా? 🌼 మనం తరచుగా తెలివి...
-
మాటలు చెప్పుటేగాని మరి నిజముగ చేయ రాదు అడిగిన తరుణమున మురియ, ఆదుకొనగ చేత గాదు సాయము చేయు వారి మనసా! నువు వెన్నవా? కాదు మాయెడల దయ చూపు ...
-
డబ్బు జబ్బు చేసిన మనిషికి గౌరవం మబ్బు చాటుకి వెళ్లిన తెలియటం లేదు తెలిసినా పట్టించుకోవడం లేదు నిబ్బు మందుతో జోగుతూ, కులం కైపుతో తూలుతున్నా ...
-
స్పందించేందుకు సమయం లేదు వివరించేందుకు విషయం లేదు వినేటందుకు ఓపిక లేదు తెలుసుకునేంత తీరిక లేదు మన బ్రతుకేదో బ్రతికేస్తున్నాం మన చావేదో చస్త...